Gernikako Elai-Alai Dantzari Taldeko kideek beraien eguna ospatuko dute zapatuan [azaroak 24].

Taldean gaur egungo zein aurretik taldean ibilitako dantzariak zein gainontzeko kideak batzeko hitzordu berezi hori urtero egiten dute.

Jai giroan elkarrekin egun pasa ederra egingo dute aurten ere. 12:30ean Elai-Alai plazan bildu, eta ordu erdi beranduago aurresku mistoa dantzatuko dute Merkurion.

15:00etatik aurrera, berriz, Zallo Barri Jatetxean bazkalduko dute, eta eguna borobiltzeko kalerik kale musika eta dantza artean ibiliko dira. 19:00etan hasita, erromerian elkartuko dira udalerriko kaleetan, bidean topatzen dituzten herritarrei jai giroagaz bat egiteko gonbidapena eginez.

http://busturialdea.hitza.eus/2018/11/22/elai-alai-eguna-ospatuko-dute-g...