Bizkaiko Dantzarien Biltzarra Euskal Museoaren klaustroan

Bizkaiko Dantzarien Biltzarrak dantza egitarau zabala eskainiko du Euskal Museoaren klaustroan, irailean eta urrian zehar

euskaldantzak

Bizkaiko Dantzarien Biltzarrak dantza egitarau zabala prestatu du, Euskal Dantzak izenburupean. Jarduera Euskal Museoko klaustroan egingo da hurrengo egun hauetan:

  • Irailak 20, 26 eta 27   I   13:00etan   I  Sarbidea Unamuno plazatik
  • Urriak 3, 4, 10, 11 eta 17   I    13:00etan   I   Sarbidea Unamuno plazatik

Ekitaldirako sarrera doakoa izango da, eta erakunde bizkaitarraren webgunean eskuratu ahalko da irailaren 3ko (osteguna) 15:00etatik aurrera, edukiera bete arte.

COVID-19ak eragindako egungo osasun-araudiaren ondorioz, erakustaldi bakoitzeko gehienezko edukiera 60 pertsonakoa izango da. Gainera, beharrezko segurtasun-neurri guztiak hartuko dira, jarduera behar bezala garatu dadin bermatzeko.

Euskal Dantzak publikoari euskal folklorearen alderdi hori erakutsi nahi dion ikuskizuna da: bere dantzak. Hala, BETI JAI ALAI, GAZTEDI, SALBATZAILE, GOIALDE, ZERUTXU, ALKARTASUNA, MIKEL DEUNA eta URDAIBAI taldeak izango dira zeregin horren arduradunak. Haiekin batera, pauso eta dantzei erritmoa emango dieten musika taldeak ere arituko dira.

BIZKAIKO DANTZARIEN BILTZARRAREN KOMUNIKATUA

Bizkaiko Dantzarien Biltzarrak, gainerako erakunde antolatzaileekin hitz egin ondoren, hurrengo maiatzaren 17an Zamudion egitekoa zen Dantzari Eguna atzeratzeko erabakia hartu zuen apirilean.

BDBren asmoa Dantzari Eguna urriaren 18an ospatzen saiatzea zen, baina data hurbil dugunean, egungo egoerak eta Osasun Sailaren azken agindua kontutan harturik, 2021eko maiatzeko hirugarren igandera atzeratu behar izango dugu. Egun horretan bai, Zamudion elkartuko gara denok, hala espero dugu behintzat, gure dantza tradizionalaz gozatzeko elkarrekin eta segurtasunarekin.

Dena den, Zamudiora joan gabe Dantzari Eguna beste era batean ospatzera animatu nahi zaituztegu, laster jasoko duzue horren berri gure proposamen eta datarekin.

Eskerrik asko eta animo danori!

BIZKAIKO DANTZARIEN BILTZARRAREN KOMUNIKATUA

Bizkaiko Dantzarien Biltzarrak, gainerako erakunde antolatzaileekin hitz egin ondoren, hurrengo maiatzaren 17an Zamudion egitekoa zen Dantzari Eguna atzeratzeko erabakia hartu du, koronabirusek sortutako gaur egungo alarma-egoera eta funtsezkoak ez diren jarduera guztiak bertan behera uzteko agindua dela eta.
 

Urriaren 18ra lekualdatzeko aukera aztertzen ari da, oraingoz behin-behineko data gisa. Data hori iruditzen zaigu egokiena, udako oporretatik itzuli ondoren jarduerari berriro ekiteko denbora ematen digulako. Nolanahi ere, behin-behineko data da, ekitaldian parte hartuko duten talde, taldekide eta publikoaren segurtasuna ez da inola ere arriskuan jarriko.

 

BDBren asmoa Dantzari Eguna urriaren 18an ospatzen saiatzea da, baina badakigu gaur egungo egoera aldakorrean agian 2021eko maiatzeko hirugarren igandera atzeratu behar izatea.

 

Hau bezalako garai zail eta berezietan, gure erantzunak ere bereziak eta pausatuak izan behar dira, baina beti gure dantzarien eta publikoaren segurtasuna lehenetsiz.

 

Plazarik plaza 2020

Gure folklore tradizionala sustatzeko asmoz, Beti Jai Alai dantza taldeak “Plazarik Plaza” programa antolatu du beste urte batez, Bilboko Udaleko Kultura Sailaren laguntzarekin.

plazarikplaza 2020

Larunbata, Urria 3, 2020 - 19:00

XLVIII Euskal Herriko Dantza Agerketa

agerketa 20202020. urte hau desberdina izaten ari da gure bizitzako alde guztietan; horregatik hain zuzen ere, ‘EUSKAL HERRIKO DANTZA AGERKETA’ren Antolakuntza Batzordekook ez dugu huts egin nahi eta aurtengo edizioa, berrogeita zortzigarrena, egitea proposatzen dugu.

Guk uste dugu urtez urte jarraitzen digun publiko fidela ezin dugula utzi “Dantza Agerketa” gabe, Euskal Herrian ekitaldi bakarra baita non zazpi herrialdeetako dantza autoktonoak erakusten diren, beti ere bertako dantzariek dantzatuta. Era berean, horrelako dantza taldeek euskal folklorea eta bere sustraiak zaintzeko eta bere horretan mantentzeko egiten duten lana ere aitortu nahi dugu.

Larunbata, Iraila 19, 2020 - 20:00

SANTUTXU KOLOREA 2020

santutxu kolorea

Santutxu kolorea irailaren 18an, 19an eta 20an ospatuko da, Karmelo plazan, Bilboko Santutxu auzoan. Santutxu kolorea jaialdiak betiko euskal dantza sustatu nahi du.

Aurten, betiko euskal dantza eta dantza garaikidea nahastuko dira, eta arlo bateko zein besteko talderik onenen emankizunak izango ditugu.

Programa hau Santutxuko Gaztedi Dantza Taldearekin elkarlanean sortu da.

Orriak

Subscribe to Dantzanet RSS