Barakaldoko Herrien arteko Folklore Jaialdiak 28. edizioa ekarriko du aurten. Beurko-Bagatzako Ibarra-kaldu elkarteak antolatuta, egitaraua abenduaren 5ean eta 6an gauzatuko da.

Barakaldoko Udala, Barakaldo Antzokia eta Kutxabank ditu babesle, eta laguntzaile, berriz, Deia egunkaria, Radio7-Tele7 eta Metro Bilbao.

Jaialdiak 1997an abiatutako bidea pandemiak baino ez du eten. Aurreko 27 edizioetan parte-hartzaile ugari izan dira. Horrela, talde antolatzailearekin batera, 50 dantza taldek hartu dute parte, hala Estatuko autonomia erkidego guztietakoek, nola Andorra, Belgika, Frantzia, Italia eta Portugalgoek. Halaber, 35 musika taldek parte hartu dute, baita hainbat bertsolarik ere. Era berean, Bizkaiko 18 talde aritu dira anfitrioi gisa, Barakaldotik kanpo egindako emanaldietan.

• Jaialdiaren jatorrizko formatura itzuli da egitaraua, eta Barakaldo Antzokiko bi ekitaldi nagusiak baino ez dira egingo 2025eko edizioan, musika eta dantza egunetako emanaldiak, doakoak biak.Musika Eguna: abenduak 5, ostirala, Barakaldo Antzokian (19:30) Euskal Herrikoak dira aurtengo bi talde gonbidatuak: lehena, Bostak eta laurenak taldea; bigarrena, Sorginak taldea. Ohi bezala, Ibarra-kalduko musika taldea arituko da anfitrioi gisa, eta saioa ixten.
• Dantza Eguna: abenduak 6, larunbata (Barakaldo Antzokia, 19:30) Edizio honetan, Gaztela eta Leongo eta Portugalgo talde bi ditugu bisitari: batetik, Arévalo udalerriko Entre Ríos folklore elkartea, Avilatik; bestetik, jaialdiari nazioarteko kutsu handiagoa emateko, Os Moleirinhos do Gadanha taldea, Troporiz herrikoa, Portugalgo Monçãoko udalerritik. Horiekin batera, talde anfitrioia ere arituko da, Ibarra-kaldu, eta aurtengo ikuskizunean ohiko dantza emanaldiarekin erraldoien parte hartzea uztartuko du, hain zuzen ere, azken alderdi hori jo eta su lantzen eta sendotzen baitabil taldea, 2019az geroztik. Zehazki, 2021ean estreinatu eta urte hartako jaialdian ere aurkeztu zen "Erraldoiak oroibide" ikuskizunaren beste bertsio bat taularatuko da, eraberritua eta garatuagoa, oraingoan, erraldoiak eta dantzariak arituko baitira batera

Herrien arteko XXVIII. Folklore Jaialdiaren egutegia
Abenduak 5, ostirala
19:30 –Barakaldo Antzokia
MUSIKA EGUNA
 BOSTAK ETA LAURENAK
 SORGINAK
 IBARRA-KALDU
Abenduak 6, larunbata
19:30 –Barakaldo Antzokia
DANTZA EGUNA
 ENTRE RIOS FOLKLORE ELKARTEA, Arévalo, Avila, Gaztela eta Leon)
 OS MOLEIRINHOS DO GADANHA, Troporiz (Monção, Portugal)
 IBARRA-KALDU, Barakaldo (Bizkaia, Euskal Herria

Dantzaris, gracias por bailar la tradición
Premios para quienes bailan al son de la memoria de un pueblo

Esker on hauekin gure dantza tradizionala, gure kulturaren oinarri eta nortasun adierazpena, hedatzen era batean edo bestean, baina beti ixilik, lagun eta entitateek egindako lana ikusgarri egin nahi dugu.

1- Ondorengo Dantza Taldeei, Euskal Dantza tradizionalaren alde 60 urte baino gehiagotan egindako lanagatik.

• GOI-ALDE (Erandio)
• LORABARRI (Portugalete)
• IBAI LORAK (Zalla)
• IBAI ARTE (Zorrotza-Bilbao)
• GAZTE BERRI (Sodupe).

2- Musika tradizionalaren arloan egindako lanagatik:

BILBOKO UDALAREN TXISTULARI BANDA

3-  JOSE MANUEL IRASTORZA, bere dedikazio eta konpromezu erabatekoa euskal dantza tradizionala eta folklorearekin, Lanestosako “Danza de Varas”ekin hain zuzen.

4- Iurretako “Mikel Deuna”, Bizkaiko Talde autoktonori.

5- JOSEBA ALTUBERI, EUSKAL DANTZARIEN BILTZARRAren LEHENDAKARI OHIA: Euskal Herriko dantza tradizionalaren arloan egindako lanagatik esker ona.

6-  “GAZTE DANTZEN TOPAKETA” ekimenari

7-  “BEGIRALEAK” Donibane Lohitzuenko dantza Taldearia bere ibilbideagatik, 90 urteetan.

8-   “GAZTE MUNDU” ekimenari

Era berean, DEIA eta BBKren inplikazioa eskertu nahi dugu,  edizio honen antolatzerakoan lagundu digutelako.

Pertsona-kopuru mugatua. Konfirmazioa eskatzen da:  bdbekitaldiak@gmail.com

E G I TA R A U A
IRAILA 18 SOLOBARRIA PLAZAN
18:30  Haurrentzako tailerrak
19:00 GUZTIONTZAKO ERROMERIA Parte har dezakezu, nahiz eta dantzan jakin ez.

IRAILA 19

18:00 SOCIAL ANTZOKITIK
Gonbidatutako dantza-taldeen kalejira Hirigunearen erdialdean dantza-saio laburrak egingo dituzte.
19:00 BIZKOTXALDE PARKEAN
54. EUSKAL HERRIKO DANTZA AGERKETA 
Honako talde autoktonoen dantza ikuskizuna:
IREMIÑE (Berriz, Bizkaia)
IEKORAKO DANTZA TALDEA (Iekora, Araba)
GURE KAI (Deba, Gipuzkoa)
DANZANTES DE SAN LORENZO (Iruña, Nafarroa)
LUZAIDEKO BOLANTAK (Luzaide, Nafarroa)

IRAILA 20
19:00 Bizkotxalde Parkean
Dantza saioa Basauriko taldeekin.
AGINTZARI
BASAURITAR
EDURRE

Euskal Herriko Dantza Agerketaren ezaugarri nagusia honako hau da: dantza-talde autoktonoek soilik hartzen dute parte, hots, euren herrietako edota eskualdeetako dantzak gorde dituzten taldeek. Talde autoktonoek bertako herritarrentzat esanguratsuak diren egunetan egiten dituzte dantzak (herriko jaiak, inauteriak, etab.), herri bakoitzeko ohituraren arabera. Basaurin erakusten diren hainbat dantza jatorrizko lekuetan eta egun berezietan soilik ikus daitezke. Hala ere, jatorrizko herrietan dantza egiteari utzi baldin badiote, dantza horiek egiten dituzten taldeak ere gonbidatu izan ditugu inoiz edo behin.

Ikuskizuna aire zabalean egiten da, izan ere, jatorrian dantza horiek herrietako kale eta plazetan, elizako arkupean eta abarretan egiten baitira. Basaurin, gonbidatutako talde autoktonoen dantzak eta erritoen tradizioak nahastu egingo ditugu, gaur egungo formatu dinamikoan, argiztapen eta jatorrizko lekuen proiekzioekin, ikusleei ohitura horien testuingurua hobeto ezagutzen laguntzeko asmoz. Horrek guztiak 'Euskal Herriko Dantza Agerketa' ikuskizun paregabe eta erakargarri bihurtzen du.

Euskal Herriko Dantza Agerketa 1972an sortu zen, duela 54 urte, euskal folklorea bere horretan mantentzen duten taldeak suspertzeko eta ezagutzera emateko asmoz. Beroriek ezagutzeko aukera paregabea da, egun horietan haien herrietara joan beharrik gabe. Gaur egun, ikuskizun honetan parte hartzea pizgarria da talde askorentzat, harrotasunerako arrazoi bat, egindako lana aitortu egiten zaiela ikusten baitute.

EH Dantza Agerketak 54. edizio bete ditu dagoeneko eta dantza-talde autoktonoen erakusleiho izaten segitzen du. Hori pozgarria da bai Basauriko udalerriarentzat eta baita antolatzen duten bertoko dantza taldeentzat ere. Bere ibilbideari esker, 'Euskal Herriko Dantza Agerketa' euskal folklore tradizionalaren erreferentzia-puntuetako bat bihurtu da.

ANTOLAKUNTZARI BURUZKO DATUAK:

Euskal Herriko Dantza Agerketa Basauriko hiru dantza-taldeek (Agintzari, Basauritar eta Edurre) antolatutako ikuskizuna da, Basauriko Udalaren eta Bizkaiko Foru Aldundiaren laguntza eta babesarekin, BBKren, Social Antzokiaren, StarLan-en eta herriko hainbat kolektiboren laguntzarekin (txokoak, Herriko Taldeak, Danbolin Txistulari Elkartea, San Jose Ikastetxea, Bizkotxalde Ikastetxea, Babes Zibila), baita Bizkaiko Dantzarien Biltzarraren eta Bizkaiko Gaiteroak elkartearen laguntzarekin.

Normalean, edizio bakoitza antolatzeko lanek 100 boluntario baino gehiago inplikatzen dituzte. Horiei, aurten ere, geure esker ona adierazi nahi diegu, eta espero dugu hurrengo edizioetan ere laguntza horiek guztiak izatea.

Kolaborazio ugarien artean, Etor Basabe Basauriko diseinatzaile eta ilustratzailearena nabarmendu nahi dugu berriz ere. Izan ere, duela 15 urtetik hona edizio bakoitzeko kartela eta esku-programa diseinatzen ditu. Basauriko 'Euskal Herriko Dantza Agerketa'ren LIV. edizio honetarako, parte hartzen duen talde bakoitzeko kartel bana egin du; horrela, bilduma bat egingo da, euskal dantza-talde autoktono guztien ondare historiko gisa. Bereak dira, halaber, 'Euskal Herriko Dantza Agerketa' ekimenarekin batera 'ikono' gisa agertzen diren 'dantzariak', baita prentsa-ohar honek goiburuan duen logotipoa ere, urtero antolakuntzaren agiri guztietan agertzen dena.

Otsailak 13

DANTZXORI 2026

Otsailak 14

Abantoko Aratusteak 2026 GALLARTAN

Lekeitioko Estudiantina

Otsailak 15

Mundakako ATORRAK ETA LAMIAK 2026

MARKINA-XEMEINGO ARATUSTEAK 2026

Marruen Soka Dantza Gernika

Otsailak 21

Abantoko Aratusteak 2026 SANFUENTESEN

Lantzeko Ihauteria Santutxun

Inauterietako dantzak Basurtun